101 salî piştî îdama Şêx Seîd: Îdamê pirsgirêk çareser nekir, Komarê neçar ma qanûn derxe
Nivîskarê Hurriyetê Abdulkadir Selvî, dema ku qanûna çarçoveyê ya di rojeva Meclîsê de parastî, bal kişand ser îdama Şêx Seîd, ku yek ji şikestinên herî giran ên dîrokî yên Komarê di mesela kurdan de ye.
Rastinews Nivîskarê Hurriyetê Abdulkadir Selvî, dema ku li ser qanûna çarçoveyê ya di rojeva Meclîsê de nivîsî, îdama Şêx Seîd anî bîra xwendevanan. Ev îdam yek ji şikestinên herî giran ên dîrokî yên Komarê di mesela kurdan de ye.
Selvî destnîşan kir ku Şêx Seîd di 29ê Hezîrana 1925an de hat îdamkirin. Lê bi vê hindê jî li herêmên kurdan pevçûn nesekinîn. Selvî qanûna ku di sala 1928an de derketibû, wek «çavkaniya îlhamê» ya qanûna îroyîn nîşan da.
Tespîta herî balkêş a Selvî ev bû: piştî sedsalek jî heman pirs dîsa hat rojevê.
Şêx Seîd hat îdamkirin; lê mesela kurdan neqediya.
Selvî got: «Şêx Seîd hat îdamkirin, lê serhildan berdewam kir. Divê ji vê re dawî bê anîn.» Wî diyar kir ku ev qanûn bi talîmata Atatûrk hatiye amadekirin. Di dema hukûmeta Îsmet Înönü de derketiye. Atatûrk ew erê kiriye.
Selvî li dijî derdorên netewperest ên ku li hember pêvajoya îroyîn derdikevin jî ev pirs anîn ziman:
«Hûn ji Atatûrk zêdetir netewperest in? Hûn ji Atatûrk zêdetir welatparêz in? Hûn ji Atatûrk zêdetir dûrbîn in?»