Ji Almanyayê alîkarê mirovî yê ku çûbû Îranê, li wir 10 sal hepis girt
Serkan Eren ji bo alîkariya mirovî çûbû Îranê. Li wir hat girtin. Vê dawiyê hukmê 10 salî lê hat birîn. Li gorî sazgeha wî ya STELP, sedema cezayê ev e: «Têkilî danîn bi welatekî re yê ku Îran wek dijber dibîne.»
RastinewsLi Stuttgarta Almanyayê saziyeke alîkariyê ya bi navê STELP kar dike. Damezrînerê wê Serkan Eren e. Eren li Îranê hat mehkûmkirin, cezayê wî 10 sal hepis e.
Ev daxuyanî ji ser malpera saziyê hat kirin. Li gorî wê, ev biryar ji parêzerê Eren î li Îranê hatiye zanîn.
Li gorî daxuyaniyê, dadgeha Îranê gotiye ku Eren î 42 salî «bi welatekî re têkilî danîye yê ku Îran wek dijber dibîne». Li ser vê îdiayê cezayê hepsê lê hatiye birîn.
Li gorî nûçeya ku DW belav kiriye, Eren welatiyekî tirk e. Ew li Almanyayê hatiye dinê û mezin bûye. Heta niha ji aliyê rayedarên Îranê ve li ser vê cezayê tu daxuyanî nehatiye kirin. Ji aliyê rayedarên Tirkiyeyê ve jî tu nirxandin nehatiye kirin.
Sala borî di meha Hezîranê de, Eren ji bo xebatên alîkariya mirovî derbasî Îranê bûbû, ji ser sînorê Tirkiyeyê. Li wir hat girtin. Di daxuyaniyê de ev yad hat anîn û li dijî biryarê reaksiyon hat nîşandan.
STELP di daxuyaniya xwe de got: «Em li hember vê biryarê xemgîniyeke kûr dijîn. Em bawer nakin ku ev hukm bi tu awayî li cih e.»
Ev sazî ji salan ve li herêmên cuda yên krîzê yên cîhanê xebatên alîkariyê dimeşîne.
Piştî erdhejên bi navenda Kahramanmaraşê re di sala 2023an de, saziyê li Almanyayê kampanyayên alîkariyê ji bo herêmê organîze kiribûn.