Ji neh bajaran gazî Qamişlo: Çalakiya girseyî ji bo perwerdeya kurdî
Li dijî sînordarkirina kurdî bi dersek bijartî ya sê saetan a heftane, ji neh bajaran gazî çalakiyê li Qamişlo hat kirin. Xwendekar, mamoste û malbat mafê perwerdeya temam a bi zimanê zikmakî dixwazin.
RastinewsRêveberiya Şam di çarçoveya siyaseta entegrasyonê de kurdî kir dersek bijartî, her hefte tenê sê saet. Li dijî vê yekê, li Rojava çalakî berdewam dikin. Xwendekar, mamoste û malbat amade dibin ku li Qamişlo çalakiyek girseyî li dar bixin. Ew daxwaza mafê perwerdeya bi zimanê zikmakî dikin.
Li gorî nûçeya Rûdawê, îro saet 11:30'an li ber Stadyûma 12'ê Adarê çalakî tê lidarxistin. Tê hêvîkirin ku ji neh bajarên Herêma Cizîrê beşdarî çalakiyê bibin.
Organîzatorên çalakiyê red dikin ku kurdî bibe dersek bijartî. Ew dixwazin ev biryar were paşve girtin. Wan xwest ku mafê perwerdeya bi zimanê zikmakî tam were misogerkirin.