Almanya ji bo sotemeniyê daxistina 17 centî plansaz dike
Hevpîmanên hikûmetê li hev kirin. Ji bo benzîn û mazotê bac dê bi tesîra KDVê ve bi giştî 17 cent kêm bibe. Tê bawer kirin ev sererastî ji 1'ê Cotmehê dest pê bike û heta dawiya salê bidome. Rêxistinên xerîdaran dixwazin alîkarî ber bi malbatên bi dahatek kêm û navîn ve bê rêve kirin.
RastinewsLi Almanyayê hevpîmanên hikûmetê li hev kirin. Armanc ew e ku bihayên sotemeniyê yên ku bi lez zêde dibin bên kontrol kirin. Li gorî planê, baca enerjiyê ya li ser benzîn û mazotê dê 14 cent kêm bibe.
Dema ku KDV jî tê hesibandin, daxistina ku dê bikeve milê welatiyan dê bighîje 17 centan ji bo her lîtreyekê. Tê bawer kirin ev sererastî ji 1'ê Cotmehê ve derkeve meriyetê. Wê heta dawiya sala 2026'an bidome.
Di planê de tiştek din jî heye. Herî dereng di Rêbendana 2027'an de, dê ji bo sotemeniyê bihayek tavan a demdemî bê destpêkirin.
«Pratîkek buha û hedef nediyar»
Ramona Pop, gerînendeya Federasyona Rêxistinên Xerîdarên Almanyayê ye. Wê daxistina bacê wek «pratîkek buha û hedef ne baş hatiye diyarkirin» binav kir. Pop got hikûmet bi rêbazek wisa tevdigere ku alîkariyê «bi awayekî wekhev li her kesî» belav dike. Wê got divê modelek bê dîtin ku pêşî li malbatên bi dahatek kêm û navîn bide.
Michaela Engelmeier, serokê saziya alîkariya civakî ya SoVDê ye. Wê jî got daxistina sotemeniyê ne çareseriyek rast e. Li gorî Engelmeier, ji vê daxistinê kesên hewceyî alîkariyê jî sûd werdigirin.
Kesk: Diyarîyek din ji şirketên neftê re
Katharina Dröge, hevserokê koma parlementoyê ya Partiya Kesk e. Wê daxistina bacê wek «diyarîyek din a buha ya ji şirketên neftê re» binav kir. Dröge xwest baca «qezenca zêde» li ser şirketên sotemeniyê were danîn. Wê got li şûna daxistinek ku dê bikeve kîsê şirketan, divê drav rasterast bighîje welatiyan.
Plana bihayê tavan li koalîsyon û sektorê bû nîqaş
Wolfgang Kubicki, siyasetmedarê Partiya Demokratên Azad (FDP) e. Wî hikûmeta bin serokatiya Sadrazamê Almanyayê Friedrich Merz tawanbar kir ku modela «aboriya plansazkirî» dişopîne. Kubicki got Merz, bi armanckirina pratîka bihayê tavan, li hember hevpîmana xwe ya Partiya Sosyal Demokrat (SPD) gav paşve avêtiye. Wî got Merz Wezîrê xwe yê Aboriyê jî xistiye rewşek zehmet.
Li Almanyayê rafîneriyên neftê û îstasyonên sotemeniyê jî li dijî vê pratîkê ne. Tê bawer kirin hikûmeta federal ê zû dest bi danûstandinan bike li gel şirketên neftê. Wê ev sererastî herî dereng di 1'ê Rêbendana 2027'an de bixe meriyetê.
Daxistinek wusa di Gulan-Hezîranê de hatibû kirin
Li Almanyayê, ji destpêka Gulanê heta dawiya Hezîranê, ji bo benzîn û mazotê daxistinek bacê ya bi vî mezinahiyê hatibû kirin.
SPDê ji demek dirêj ve li ser polîtîkaya bihayê tavan israr dikir. Lê Wezîra Aboriyê ya Almanyayê Katherina Reiche, ku endamê Yekîtiya Xiristiyan a Demokrat (CDU) û partiya Merz e, berê ragihandibû ku ew li dijî bihayê tavan e.