Bahçeli: Projeya «Tirkiyeya bêterorê» ne tenê ji bo ewlehiyê ye
Serokê Giştî yê MHP'ê Devlet Bahçeli, di peyama xwe ya ku li Kongreya Bajarê Enqereyê ya MHP'ê hat xwendin de, got projeya «Tirkiyeya bêterorê» ji bo biratî û yekîtiya neteweyî girîngiyek dîrokî dihewîne. Bahçeli got MHP ji bo dengan tevnagere.
RastinewsSerokê Giştî yê MHP'ê Devlet Bahçeli, li ser pêvajoya ku wek «Tirkiyeya bêterorê» tê binavkirin got: «Emê ne li ser hilbijartinên pêş de, emê li ser nifşên pêş de bifikirin.»
Peyama Bahçeli li Kongreya 15'emîn a Asayî ya Serokatiya Bajarê Enqereyê ya MHP'ê hat xwendin. Kongre li Navenda Kongre û Pêşangehê ya ATO'yê pêk hat.
Bahçeli got ev pêvajo tenê bi ewlehiyê re ne sînordar e. Wî got ev pêvajo ji bo xurtkirina biratiyê, zêdekirina hevgirtina neteweyî û beralîkirina çavkaniyan ber bi pêşketinê ve jî girîng e.
Bahçeli wiha got: «Wek di tarîxa me ya siyasî de her tim bûye, emê ne bi fikra dengan, emê bi evîna welat tevbigerin. Emê ne li ser hilbijartinên pêş de, emê li ser nifşên pêş de bifikirin.»
Bahçeli behsa pevçûnên herêmî û nediyariyên gerdûnî kir. Wî got partiya wî dê helwesta xwe ya heyî bidomîne. Wî got Tevgera Miletçî-Ulkucî «garantiya yekîtî û aramiya miletê Tirk» e.
Di kongreyê de, Alparslan Doğan ê ku berê jî serokê bajêr bû, wek namzedê bêtenê careke din hat hilbijartin.