Hiqûqnasên Almanyayê gazî qedexekirina AfD kirin
Li Almanyayê, ji hezar zêdetir hiqûqnas nameyeke vekirî şandin hukûmeta federal. Wan xwest ku pêvajoya makezagonî ji bo qedexekirina partiya rastgira tund a AfD zû were destpêkirin.
RastinewsLi Almanyayê ji hezar zêdetir hiqûqnas — parêzer, dadger û dozger — nameyeke vekirî şandin hukûmeta federal. Wan xwest ku ji bo qedexekirina partiya rastgira tund a Alternatîfa ji bo Almanyayê (AfD) pêvajoya makezagonî zû were destpêkirin. Koma ku bi pêşengiya Yekîtiya Parêzerên Komarparêz hate civandin, got ku ev partî gefek eşkere li ser rêzana demokratîk û rûmeta mirovan e. Wan ji siyasetmedaran xwest ku «berî ku dereng bimîne, tevbigerin».
Li Almanyayê zêdetirî hezar hiqûqnasan gazî kir ku pêvajoya makezagonî ji bo qedexekirina AfD were destpêkirin. Wan diyar kir ku ev partî gefek eşkere li ser demokrasiyê ye.
Koma ku ji parêzer, dadger, dozger, hiqûqnasên îdarî û stajyerên hiqûqê pêk tê, zêdetirî hezar kes e. Wan daxwaz kir ku ji bo qedexekirina Alternatîfa ji bo Almanyayê (AfD) pêvajoya makezagonî were destpêkirin. Di nameya vekirî ya ji hukûmeta federal re hatiye şandin de, hate gotin ku ev partî li dijî rûmeta mirovan û rêzana demokratîk tevdigere. Van her du prensîban Makezagona Almanyayê misoger kiriye.
Di nameya ku bi pêşengiya Yekîtiya Parêzerên Komarparêz (RAV) hatiye amadekirin de, hate gotin ku eger bername ya AfD were pêkanîn, dibe ku sazî yên demokratîk zirar bibînin. Wan got ku bi taybetî komên civakî yên bêparastin dikevin xetereyê. Hevserokê RAV Angela Furmaniak jî diyar kir ku divê makezagon vê mekanîzmaya ku ji bo van rewşan destnîşan kiriye êdî bicîh bike. Wê ji siyasetmedaran xwest ku «berî ku dereng bimîne, tevbigerin».
/DW/