Trump: Li ser rakirina çekên Hemasê hat lihevkirin
RastinewsSerokê Amerîkayê Donald Trump ragihand ku Desteya Aştiya Xezayê li ser çekbirina komên berxwedanê yên Xezayê, bi taybetî Hemasê, lihev kirine.
Trump vê pêşketinê wek gaveke mezin şîrove kir. Wî got: «Ev gaveke mezin e ber bi aştî û ewlehiyeke domdar ve. Ev peyman, gaveke krîtîk e ber bi vê ve ku Xeza dawiyê were rêvebirin ji aliyê hikûmeteke nû ya Filistînî ve. Ev hikûmet, dê bi Desteya Aştiyê re nêzîk bixebite, ji bo arîkariya gelê Filistînî.»
«ÇEND ÇEKBIRIN TEVBIBE, ÎSRAÎL WÊ VEKIŞE»
Serok Trump got piştî ku çekbirin biqede, Îsraîl dê ji Xezayê vekişe. Wî got: «Çend çekbirin tevbibe, hêzên Îsraîlê dê vekişin. Hêza Stabîlîteya Navneteweyî, digel hêzeke polîsan a Filistînî ya nû, dê berpirsiyariya ewlehiya niştecihên Xezayê û cîranên wê hilgire.»
Trump di axaftina xwe de spasiya Tirkiyeyê jî kir. Wî got: «Me pêşketineke dîrokî bidest xist, lê hîna gelek kar hene ku bên kirin. Ez dixwazim spasiya navbeyncaran Misir, Qeter û Tirkiyeyê bikim, ji bo hewldanên wan ên girîng. Bi taybetî jî spasiya tîma xwe ya bêwestan dikim ku ev gavavêtina dîrokî pêkan kir.»
Trump got: «Li gorî vê peymanê, Xeza dawiyê dê bikeve destê hikûmeteke nû ya Filistînî ya ku ji bo gelê xwe dixebite. Ez pîroziya hemûyan dikim, ji bo vê pêşketina mezin a ku her kesî digot çênabe.»