یەکەم بەیاننامەی مەزلوم عەبدی: «یادی نۆ شەهیدی کۆبانی دەکەمەوە»
ڕاوێژکاری سەرۆکایەتی سووریا، مەزلوم عەبدی، یەکەم بەیاننامەی فەرمی خۆی دەربارەی ئەوانەی لە ئاگرگرتنی زیندانی کۆبانیدا گیانیان لەدەستدا، لە هەژماری X باڵاوکردەوە. عەبدی بۆ نۆ کەس سەرەخۆشی خوارد و ڕایگەیاند لێکۆڵینەوەیەکی فراوان دەربارەی ڕووداوەکە دەستی پێکردووە.
Rastinewsڕاوێژکاری سەرۆکایەتی سووریا، مەزلوم عەبدی، نزیکەی نیو کاتژمێر لەمەوبەر یەکەم بەیاننامەی فەرمی خۆی سەبارەت بە نۆ کەسەکە لە هەژماری X ی کەسی خۆیدا باڵاوکردەوە؛ ئەو نۆ کەسانەی کە لە کاتی ڕووداوی بەرخۆدانەکەی زیندانی کۆبانیدا گیانیان لەدەستدا.
«بە خەمێکی قووڵەوە یادیان دەکەمەوە»
عەبدی لە بڵاوکراوەکەیدا نووسیویەتی: «بە خەم و پەژارەیەکی گەورەوە، یادی نۆ شەهیدی کۆبانی دەکەمەوە کە لە کاتی ڕووداوی بەرخۆدانەکەی زیندانی شارەکەدا گیانیان لەدەستدا. سەرەخۆشی و هاوسۆزیی خۆم بۆ خێزانەکانیان و هەموو گەلی کۆبانی پێشکەش دەکەم، هیوادارم برینداران بە زووترین کات چاکبنەوە.»
لێکۆڵینەوە دەستی پێکرد
عەبدی ڕایگەیاند دەسەڵاتە پەیوەندیدارەکان لێکۆڵینەوەیەکی فراوان و ڕوونیان دەستپێکردووە، تاکو پشتەوەی ڕووداوەکە ئاشکرا بکرێت و ئەوانەی هەڵەیان کردووە بخرێنە بەردەم لێپرسینەوە. هەروەها گوتی ئەنجامەکانی لێکۆڵینەوەکە بە ڕوونییەکی تەواوەوە لەگەڵ ڕای گشتیدا هاوبەش دەکرێنەوە.
عەبدی لە بەیاننامەکەیدا جەخت لەوەی کردەوە کە بۆ نەدووبارەبوونەوەی ڕووداوی هاوشێوە، پێویستە ڕۆڵی دەزگا دادوەری و ئاسایشییەکان بەهێزتر بکرێت و هاوکاری لەنێوانیاندا زیاتر بکرێت. عەبدی وتی ئەمە یاسا دەپارێزێت، مافی هاولاتیان و بەندکراوان دەپارێزێت، هەروەها ئاسایش و سەقامگ