بۆ هێرشی ئۆتۆمبێل لە مونیخی ئەڵمانیا تاوانبار بە زیندانی هەتاهەتایی سزا درا

Rastinews — فەرهاد ن., ئەوەی بە ئۆتۆمبیل هێرشی کردە سەر خۆپیشاندانی سەندیکای ڤێردی لە مونیخ، بە تاوانی کوشتنی دوو کەس و هەوڵدانی کوشتنی 23 کەس بە زیندانی هەتاهەتایی سزا درا. دادگا بڕیاری دا کە قورسایی تایبەتی تاوانەکە هەیە، ئەمەش ئەگەری ئازادکردنی زووی کەم دەکاتەوە.

دادگا لە ئەڵمانیا فەرهاد ن.، تاوانباری هێرشە ئۆتۆمبیلییەکە لەسەر خۆپیشاندانی ڕێکخراوی سەندیکای ڤێردی لە شاری مونیخ، بە زیندانی هەتاهەتایی سزا دا. هەروەها لەبارەی تاوانبارەکەشەوە بڕیاری «قورسایی تایبەتی تاوان» درا کە ئەگەری ئازادبوونی زووی کەم دەکاتەوە.

لە دادگاییکردنی هێرشە ئۆتۆمبیلییەکەی سەر خۆپیشاندانی ڕێکخراوی سەندیکای ڤێردی لە مونیخی ئەڵمانیا، بڕیار دەربارەی فەرهاد ن.ی ڕەچەڵەک ئەفغانستانی ڕاگەیەندرا. دادگا تاوانبارە 25 ساڵانەکەی بە کوشتنی دوو کەس و هەوڵدانی کوشتنی 23 کەس بە زیندانی هەتاهەتایی سزا دا. هەروەها بڕیاردرا کە تاوانەکە قورسایییەکی تایبەتی هەیە.

لە هێرشەکەدا کە لە شوباتی 2025 ڕوویدا، فەرهاد ن. بە ئۆتۆمبیلەکەیەوە دایە ناو خۆپیشاندەران، ژنێک و کچە 2 ساڵەکەی گیانیان لەدەستدا، زیاتر لە 40 کەسیش برینداربوون. دادگا ڕایگەیاند کە هێرشەکە بە ئاگایی و بە شێوەیەکی بیرکراوە ئەنجامدراوە.

دادگای گشتی پێیوابوو کە هێرشەکە بەهۆی هۆکاری ئایدیۆلۆژی و هەستی تووڕەییەوە ئەنجامدراوە، لە کاتێکدا لایەنی بەرگری ئاماژەی بەوە دەدا کە تاوانبارەکە کێشەی دەروونی هەیە و داوای سزایەکی کەمتر و چارەسەری دەروونی کردبوو. دادگا ئەم داوایەی ڕەت کردەوە.

فەرهاد ن. لە ساڵی 2016دا هاتووەتە ئەڵمانیا. ئەم بڕیارە وەک یەکێک لە قورستین پەروەندەی هێرشی سیاسی ساڵانی دواییدا لەم وڵاتەدا هەڵدەسەنگێنرێت.