ئێران: هەتا دەستێوەردانەکانی ئەمریکا بەردەوام بن، تەنگاوی هۆرمز ناکرێتەوە

سوپای پاسداران ئینقلابی ئیسلامی ئێران ڕایگەیاند کە هەتا "هەڕەشە و دەستێوەردانەکانی ئەمریکا لە هاتووچۆی دەریایی ناوچەکە" بەردەوام بێت، تەنگاوی هۆرمز ناکرێتەوە.

بەپێی هەواڵی تەلەفزیۆنی فەرمی ئێران، سوپای پاسداران ڕایەکی نووسراوی سەبارەت بە تەنگاوی هۆرمز بڵاوکردەوە.

لە ڕاگەیاندنەکەدا هاتووە کە تەنگاوی هۆرمز لەژێر کۆنترۆڵی ئێراندایە، و هەتا "هەڕەشە و دەستێوەردانەکانی ئەمریکا لە هاتووچۆی دەریایی ناوچەکە" بەردەوام بێت، تەنگاوەکە ناکرێتەوە، بەڵکو ڕەنگە بارودۆخی ئێستاش زیاتر گران بێت.

هەروەها لە ڕاگەیاندنەکەدا هەڕەشە لە وڵاتانی پشتیوان لە ئەمریکا کرا کە ئەگەر هەڵوێستەکانیان نەگۆڕن، "بەرەنگاری وەڵامێکی توند دەبنەوە".