دەمیرتاش لە زیندانی ئەدیرنە لەگەڵ عارف گوران، باوکی نارین گوران کۆدەبێتەوە
Rastinewsسەلاحەدین دەمیرتاشی بەندکراو لە زیندانی ئەدیرنە، ڕۆژی هەینی بە ڕێگەپێدانی تایبەتی وەزارەتی دادگوستەری، لەگەڵ عارف گوران، باوکی نارین گورانی کوژراو لە ئامەد کۆدەبێتەوە.
دەمیرتاش کە دۆسیەی نارین گورانی لە ڕێگەی پارێزەرەکانەوە وەرگرتووە و لێکۆڵینەوەی تێدا کردووە، چاوەڕوان دەکرێت دوای چاوپێکەوتنەکە ڕایەکی نووسراو بڵاو بکاتەوە.
چاوپێکەوتنەکە بە ڕێگەپێدانی تایبەتی وەزارەتی دادگوستەری لە زیندانی ئەدیرنە ئەنجام دەدرێت
ڕایەکی سەبارەت بەم بابەتە لەلایەن شارەزای ڕاگەیاندنی دەمیرتاشەوە بڵاوکراوەتەوە، بەم شێوەیە:
''سەلاحەدین دەمیرتاشی بەندکراو لە زیندانی ئەدیرنە، سبەی (هەینی، 31ی تەمووز) کاتژمێر 10:00، بە ڕێگەپێدانی تایبەتی وەزارەتی دادگوستەری، لەگەڵ عارف گوران، باوکی نارین گورانی کوژراو لە ئامەد کۆدەبێتەوە. دەمیرتاش کە دۆسیەی نارین گورانی لە ڕێگەی پارێزەرەکانەوە وەرگرتووە و لێکۆڵینەوەی تێدا کردووە، چاوەڕوان دەکرێت دوای چاوپێکەوتنەکە ڕایەکی نووسراو بڵاو بکاتەوە.''